Ke Kumu o Koʻu Alu Koho Pāloka ʻana

Aloha mai! ʻO wau ʻo Randy Gonce, ʻo kāu moho nō no ka ʻAha Lunamakaʻāinana Mokuʻāina, a ke kū nei au no ka hoʻoponopono ʻia ʻana o nā mea e hoʻopilikia nui ana iā kākou. ʻO ka mea mua nui, he Kanaka Lawelawe au no ka pono o ka lehulehu. ʻO ka lawelawe nō ka mole o kā mākou alu koho pāloka ʻana. Ma muli o nā makahiki 3+ aʻu i hana ai ma ka ʻAha Kau Kānāwai Mokuʻāina, ua aʻo mai au no ka nalowale o ka naʻau lawelawe o nā lunamakaʻāinana, a he ʻimihana politika wale nō kā lākou hana. ʻO ka loaʻa nō he ʻōnaehana i kūpono no kekahi hapa liʻiliʻi o ka lehulehu wale nō ʻoiai ka hapanui o kākou e hana paʻupaʻu ana e lako ai ka nohona. Ke kū nei au he moho i mea e hoʻoponopono ai i ke ʻano o ke alakaʻi aupuni ʻana o ko kākou mokuʻāina a i aupuni i kumu nō i ke aloha, ka lawelawe, a me nā papahana e maikaʻi ai KĀKOU A PAU, ʻaʻole kekahi hapa liʻiliʻi wale nō. ʻAʻohe o mākou e ʻae i hoʻokahi kenikeni no nā hui hana ʻahahuina nui, ʻo nā mea hoʻi e kāohi ana i nā kānaka lawehana. He alu koho pāloka kaiaulu kēia, he 100% nō hoʻi! Kaukaʻi ko kākou maikaʻi o kēia hope aku i kēia hoʻokahuli ʻana, a ʻo kēia ka manawa kūpono ʻānō! E komo pū mai e hoʻihoʻi mai i ke aupuni i ka lehulehu! Me aʻu mai anei kāu koho pāloka?

No ka Loaʻa Mea Hoʻopuka Hou Loa